أربع ثواني........

بعض إتصالات خلق الله تدوشني
وش بعضها ! .. لا قسم بالله أكثـــــرها


من بعد ما جا إتصال بجد عـيــّـشني
حـــــاله غريبة ولا كيف أفســــــرها !


فديتها صوتها من جد ينعشني
فخـــــامته من تمـــر إذني تعطــــرها


إللي إلا من حكت كنها توشوشني
رقة .. نعومة .. ذررابة .. صعب أصورها


إسمي بفمها ورب البيت يخرشني
( لبّيـــه ) تطلع غصب لو ما أحضــــّرها


الموت لو قالت إسمي بعد (واحشني)
أضيـــع منهــا وهي عمـــدا ً تكرّرهـــــا


أحيان أسوّي مطنشها وتكفشني
ترسل رساله : ( وحشتك ؟ ) ما أعبّرها


أربع ثواني وأحس بشي رابشني
وأدق .. وتــــرد .. وأتنهّـد .. وأبــادرها :


( لو ما وحشتيني إنتي من بيوحشني !
لعيونــــك إنتي جميع النـّـاس حـــاظرها


تدرين حتى الرسايل منك تربشني
لا يابعد مـــاضي أحلامي وحـــــاضرها


كل إتصالات خلق الله تدوشني
بس .. إتصـــــالاتك إنتي .. جدّ أقـــدرها )

ااااااااااااااااا